Programa di sosten

Kámara di Komèrsio tin den ehekushon un programa speshal pa asistensha di empresarionan den sektor di empresa chikí I mediano. E programa ta speshal pa asistí empresario ku ke kuminsá bon informá I prepará, empresario ku ke sigui krese nan empresa I mester di asistensha (tékniko) den esei, I empresarionan ku tin kontratempu ku nan empresa I mester di guia I sosten.

E programa aki ta keda ehekutá den kuadro di e programa di Inisiativa Sosial‐Ekonómiko (SEI), pues e asistensha ta tuma lugá kontra tarifanan supsidiá. E supsidio ta kubri parsialmente kostonan di training, guia (huntu kubo, den bo empresa) i konseho profeshonal pa empresario chikí i mediano.

Ku e servisio aki Kámara di Komèrsio tin e meta pa fortifiká i yuda mas (futuro) empresario bira eksitoso den nan negoshi, òf pa solushoná opstákulonan ku ta stroba nan di manehá nan negoshi apropiadamente i profeshonalisá nan empresa.

Tuma kontakto ku Kámara di Komèrsio na tel. 461-3918, fax. 465-1041 òf e-mail: businessinfo@curacao-chamber.an. Nos ta reakshoná mes dia pa sea duna'bo mas informashon of traha un sita ku bo.

KONTAKTO/ Kamara di Komersio | Kaya Junior Salas #1 | tel. 461-3918 | fax. 465-1041 | e-mail: businessinfo@curacao-chamber.an

2010 Empresa Chiki ta un servisio di Kamara di Komersio. All Rights Reserved. Design & development by EMSCENE.