General

Kòrsou tin empresario di tur gremio sosial; nos tin empresario grandi i empresario chikitu; empresario ku a nase riku i empresario ku a nase pober; empresario ku a bini for di eksterior i empresario ku a nase na Kòrsou; empresario ku a heredá un negoshi grandi di su mayornan, i otronan ku a kuminsá ku nada mas ku un bon idea, traha duru i hasi hopi sakrifisio. Tur e empresarionan aki huntu ta forma sektor empresarial. Kier men, adelanto di nos sektor empresarial ta trese adelanto pa un grupo hopi grandi i variá di nos komunidat. Mas ainda, pasombra no opstante for di kua gremio e empresario ta salí, e aktividatnan ku e ta krea ta produsí entrada i trabou pa hopi otro hende, lokual ta hasi posibel pa nan tambe realisá nan metanan den bida, pa nan i nan yunan.

Pa sigui lesa over "Bo mes empresa", download e dokumento aki bou i tuma bo tempu pa les’é.

AttachmentSize
Bo mes empresa.pdf54.32 KB

Regulashon

Lantamentu i eventualmente ekspanshon di un empresa ta mará na sierto kondishonnan i reglanan ofisial. Si bo atendé e parti ofisial bon, esei lo ta un señal pa mundu eifó ku bo ta tuma bo negoshi na serio. Tur empresa ku tin su asuntunan di belasting i su pèrmitnan na òrdu, lo hasi un bon impreshon.
Pa bo no haña bo ku sorpresanan 'ofisial', ta bon pa bo para ketu adelantá na aspektonan manera forma hurídiko di bo empresa, pèrmitnan, asuntunan fiskal, registrashon na Kámara di Komèrsio, i pasonan despues di registrashon.

Download e dokumento di regulashon:

Regulashon.pdf

Plan di negoshi (Business plan)

Kiko ta un Plan di Negoshi? Un plan di negoshi ta un deskripshon por eskrito di bo futuro negoshi. Esei ta tur kos: un dokumentu ku ta deskribí kiko bo ke hasi i kon bo ke hasié. Un plan di negoshi por sirbi diferente propósito pa esun ku ta skirbié i esun ku ta les’é. Empresarionan ku ta buska invershonista ta us’é pa presentá nan vishon na invershonistanan potensial. Tambe kompanianan ta us’é ora nan ta buska empleadonan krusial, buska negoshi nobo, negoshá ku nan abastesedónan òf simplemente pa komprondé kon pa manehá nan negoshi mihó.

Download e dokumento "Plan di negoshi":

Plan di Negoshi.pdf

PROGRAMA areglo di supsidio

E programa ta akapará instrumentonan di supsidio di kostonan di análisis i guia ku mira riba stimulashon di kresementu di empresanan chikí i mediano, resultando den un sektor mas duradero. E programa aki ta keda ehekutá den kuadro di e programa di Inisiativa Sosial‐Ekonómiko (SEI).

Ku e servisio aki Kámara di Komèrsio ta asistí mas tantu empresario pa éksitosamente solushoná opstákulonan ku ta stroba nan di yega na un kresementu di nan empresa. E programa lo konsistí di seshonnan di intake, análisis di situashon di kompania i formulashon di strategia i implementashon di plan di ekspanshon. E asistensha ta tuma lugá kontra tarifanan supsidiá.

Pa inskribi of mas informashon, klik aki >

PROGRAMA di sosten

Kámara di Komèrsio tin den ehekushon un programa speshal pa asistensha di empresarionan den sektor di empresa chikí I mediano. E programa ta speshal pa asistí empresario ku ke kuminsá bon informá I prepará, empresario ku ke sigui krese nan empresa I mester di asistensha (tékniko) den esei, I empresarionan ku tin kontratempu ku nan empresa I mester di guia I sosten.

E programa aki ta keda ehekutá den kuadro di e programa di Inisiativa Sosial‐Ekonómiko (SEI), pues e asistensha ta tuma lugá kontra tarifanan supsidiá. E supsidio ta kubri parsialmente kostonan di training, guia (huntu kubo, den bo empresa) i konseho profeshonal pa empresario chikí i mediano.

Pa mas informashon, klik aki >
KONTAKTO/ Kamara di Komersio | Kaya Junior Salas #1 | tel. 461-3918 | fax. 465-1041 | e-mail: businessinfo@curacao-chamber.an

2010 Empresa Chiki ta un servisio di Kamara di Komersio. All Rights Reserved. Design & development by EMSCENE.